Во новите мастики привремена тетоважа со ликот на Диме Спасов

Откако неколку големи фанови на ВМРО-ДПМНЕ ги истетовираа ликот на Груевски и на Сашо Мијалков на своите рамења, владејачката партија реши да им излезе во пресрет и на најмалите и тие да ги украсат рацете со некој од вмровските функционери.

Па така, освен Сунгерот Боб, Дора, Диего и Том и Џери децата ќе може на своите раце да аплицираат уште еден нивен херој. За таа цел пуштена е во продажба посебна серија на мастики со кои доаѓа и привремена тетоважа со ликот на Диме Спасов.

Тетоважата се вади сама за неколку дена или веднаш со „бекутан“ сапун.