Дете на возраст од три години, кое посетувало градинка од Неготино е позитивно на корона вирус, информираат од Центар за јавно здравје Кавадарци.
Преземени биле сите мерки, извршена дезинфекција, а 13 деца од истата група, како и две негувателки се во изолација.
Ова е трет случај на Ковид-19 во градинка во Неготино. Минатата недела беа регистрирани два случаи, кај деца на возраст од три и две години.
Исто така, денес помеѓу новорегистрираните позитивни лица во градот , има и 17-годишен ракометар.
-Вкупно четири лица се регистрирани како позитивни на Ковид-19 од Неготино денес, на возраст од три до 52 години. Во Кавадарци имаме три случаи, на возраст од 34 до 81 година, а во Демир Капија едно лице на возраст од 31 година – велат од центарот.
Се утврдуваат контактите на новите пациенти.
В.К.