Во домот на Заеви, паричката паднала кај работата

Паричката во семејството на премиерот Зоран Заев се паднала во делот за работа и работните ангажмани.

Инаку, Заев денеска на Божиќ присуствуваше на божествената литургија во црквата Св. Леонтиј, во манастирот во струмичка Водоча.

„На Божик, во храмовите се потсетуваме да ги отвориме срцата за да ја примиме радоста од Христовото раѓање која што нѐ исполнува во овие свечени денови. Радоста да им ја посакаме и подадеме и на другите, блиските, најсаканите, и заедно да го преобразиме злото во добро. Христос се роди!“, напиша премиерот на неговиот фејсбук профил.