Во Австрија десетина луѓе затрупани во лавина

Десетина луѓе љубители на зимските спортови денеска се затрупани во лавина на западот на Австрија, соопшти полицијата.

„Едно лице е спасено, но операцијата продолжува се додека не се пронајдат и извлечат  сите“, соопшти полицијата без дополнителни детали.

За потрагата се мобилизирани хеликоптери и неколку екипи придружувани од кучиња.

Лавината се случила околу 15.00 часот на надморска височина од околу 2.700 метри, во скијачката област Лех Цирц.

Спасувачката служба предупреди на висок ризик од лавини во оваа област, како и во соседен Тирол.

Во Австрија во последниве години во лавини загинаа околу 20 луѓе.