– Пендаровски очигледно добро ја научил школата на Бранко Црвенковски полна со интриги во која еден од професорите сигурно бил и Зоран Верушевски, пишува во реакцијата на ВМРО-ДПМНЕ по повод денешната изјава на Стево Пендаровски.
Од владејачката партија бараат од Пендаровски да одговори со која странска служба, според нив, соработувал претседателот на СДСМ, Зоран Заев и што таа странаска служба очекува за возврат.
– Сценариото на СДСМ е очигледно и тие се разобличени, па оттука мораат да продолжат со вакви паради, само за да го прикријат скандалот во кој се заплеткаа Зоран Заев и нивното раководство. Јавноста веќе оправдано се прашува како може цела опозиција да тврди дека е прислушувана, а да не излезе во јавност ниеден нивни разговор, се вели понатаму во реакцијата на ДПМНЕ.
Владејчката партија додава дека на минатите избори граѓаните се определиле за концептот базиран на работа и проекти, наместо за деструктивната политика за креирање кризи и држење на државата во заложништво.