Владата се пофали со порастот на просечната плата: Растот на платите е приоритет на Владата и остануваме посветени

Просечната нето плата порасна за 7,1% во месец мај во однос на истиот месец претходната година. Таа сега изнесува 24.509 денари и е повисока за 1620 денари, се пофали Владата.

-Има зголемување и на платите во индустријата за производство на текстил за 2670 денари, производството на облека за 1764 денари и производството на кожа за 1802 денари на годишно ниво. Во мај 2018 година има значаен раст и на платите во другите дејности како финансии, осигурување, информации и комуникации. Растот на платите е приоритет на Владата и остануваме посветени на тоа, со цел поквалитетен живот за сите!, порачаа од Владата.