Владата ќе потроши 146.000 евра за да ги носи пензионерите на туристички викенд

by Фокус 11:34
11:34

По бањата на државна сметка, Владата во текот на идната години најсреќните пензионери ќе ги чести и со бесплатен туристички викенд, за што ќе се потрошат околу 146.000 државни пари, без ДДВ.

За реализирање на идејата, Министерството за труд и социјална политика вчера објави оглас на сајтот на Бирото за јавни набавки, каде што ги повикува заинтересираните компании кои нудат хотелски и угостителски услуги да ги достават своите понуди.

- Advertisements -

Од Министерството засега не ја откриваат дестинацијата, но според најавите на министерот Диме Спасов во април, турата ќе биде во Македонија.
– Бесплатниот викенд ќе може да се искористи во одморалиштата и хотелските комплекси кои се наоѓаат на планините и крајбрежјето на езерата во Македонија како на пр. Во Охрид, Дојран, Струга, Преспа, Берово и Крушево. Во овој проект влегува платен превоз, ноќевање и 2 полни пансиони. Оваа услуга ќе може да ја користат лица – корисници на старосна, инвалидска и семејна пензија, а лицата корисници на пензија кои користат и паричен надоместок за помош и нега од друго лице имаат право на придружник. Предност ќе имаат корисниците на пониска пензија, изјави тогаш министерот Спасов.

Тој тогаш додаде дека турите ќе се организираат во пролетниот и есенскиот период, а на викенд платен од државната каса ќе уживаат 3.000 пензионери.

 

Поврзани новости