Возило експлодира денеска на мост што ги поврзува САД и Канада во близина на Нијагарините водопади, соопшти ФБИ.
Инцидентот се случил на мостот Виножито ден пред американскиот празник Денот на благодарноста, еден од најпрометните денови во годината.
-Бидејќи оваа ситуација е нејасна, ова е сè што можеме да кажеме во овој момент, се вели во соопштението на ФБИ.
Возилото се обидувало да влезе во САД кога експлодирало.
Сите премини во моментов се затворени до понатамошно известување, велат властите, пренесува Би-Би-Си.
Гувернерката на Њујорк, Кети Хочул, исто така, го потврди инцидентот и рече дека била известена од органите на редот.
-Владините агенции се на терен и подготвени да помогнат, напиша таа на социјалната мрежа Икс.
BREAKING VIDEO: Vehicle explosion and fire at the Rainbow Bridge in Niagara Falls on the US-Canada borderpic.twitter.com/o4O3R3igMF
— Insider Paper (@TheInsiderPaper) November 22, 2023