Вулканот Кључевскаја Сопка на рускиот полуостров Камчатка почна да еруптира по силниот земјотрес што го погоди Тихиот Океан рано утринава, објави Геолошкиот завод, пренесува Ројтерс.
After the earthquake in Kamchatka, the eruption of the Klyuchevskaya Sopka volcano has begun. pic.twitter.com/wsgZpeMsVz
— Brian McDonald (@27khv) July 30, 2025
Во соопштение објавено на Телеграм, Геофизичката служба на Руската академија на науките изјави:
„На западната падина беше забележано спуштање на жешка лава. Над вулканот има силен сјај, експлозии.“
Сместен приближно 450 км северно од регионалниот главен град Петропавловск-Камчатски, Кључевскаја Сопка е еден од највисоките вулкани во светот.
Еруптирал неколку пати во последните години.
Земјотрес со јачина од 8,8 степени што го погоди регионот Камчатка денеска оштети згради и повреди неколку луѓе во оддалечениот руски регион, но не се пријавени жртви.