Поглаварот на Римокатоличката црква папата Франциск пристигна во апостолската посета на Бугарија, како прва етапа од мини балканската визита во која е опфатена и Република Северна Македонија. На аеродромот тој беше пречекан од бугарскиот премиер Бојко Борисов и од претставници на верските заедници.
На аеродромот имаше средба на папата со премиерот Борисов. По завршувањето на средбата понтифот се упати кон претседателската палата во Софија пред која ќе се одржи церемонијата на пречек, по што тој ќе има протоколарна средба со претседателот на Бугарија, Румен Радев.
По разговарите на двајцата шефови на држави, папата Франциск ќе има средба со претставници на бугарските власти, на граѓанскиот сектор и на дипломатскиот кор
Папата утре, на вториот ден од престојот во Бугарија, ќе го посети бегалскиот камп „Враждебна“ во Софија, по што ќе одржи миса во Католичката црква „Пресвето срце“ во градот Раковски, во близината на Пловдив, а во попладневните часови ќе го заврши официјалниот дел од посетата со молитва за мир на плоштадот „Независност“. Во вторник папата од Софија ќе допатува во Скопје.