Артан Груби соочен со бројните фактите за криминал, корупција и злоупотреба на позицијата почна да лаже и манипулира. Тој вчера во гостување во една емисија на национална телевизија кажа дека од неговото министерство не се исплаќани пари на фирмата на брат му. Артан Груби излажа кога кажа декa од неговото министерство не се исплаќани пари на фирмата ЕТЦ ТРАВЕЛ на неговиот брат, Ветон Груби, рече денеска на прес-конференција портпаролката на ВМРО-ДПМНЕ, Марија Митева.
Таа напомена дека „вистината е дека покрај исплатите кои Владата ги има кон ЕТЦ ТРАВЕЛ на Ветон Груби и Министерството за политички систем со кое раководи Артан Груби, на 25.02.2022 година и исплатило 21.328 денари на фирмата. Можеби за Артан Груби 22.000 денари не се голема сума на пари, но затоа 22 милиони евра за надзорот му се значајни и важни пари“.
„Документот од системот `Отворени финансии` е доказ дека министерот Артан Груби директно плаќа на сметка на ЕТЦ ТРАВЕЛ на брат му Ветон Груби. Покрај оваа исплата од Министерството за политички систем, фирмата на Ветон Груби има и други исплати во висина од над 1 милион денари од Владата во период 2020 до 2021 година. Исплатата на буџетски пари од Министерството за политички систем и односи меѓу заедниците каде министер е Артан Груби кон ЕТЦ ТРАВЕЛ на братот Ветон Груби е директна корупција, злоупотреба на позицијата и судир на интереси“ вели Митева.
„Артан Груби наместо да измислува нови лаги и изговори, треба веднаш да си поднесе оставка, а институциите да отворат случај“ порача таа.