Се судрија демонстрантите и полициските кордони на денешниот протест во Атина поради железничката несреќа во Грција, во која загинаа најмалку 57 луѓе. Граѓаните ја обвинуваат државата, а вината ја гледаат во тоа што компанијата задолжена за железницата била приватизирана пред пет години.
Демонстрантите носеа транспаренти на кои пишуваше. „Државата е убиец“, „Веднаш да се смени Мицотакис“, додека на пратениците им порачаа дека молчат.
A large protest took place in Athens today over the #greecetraincrash. Much of #Greece society does not consider this an accident, rather it holds the government responsible for obsolete infrastructure. pic.twitter.com/DnH8uNMEa5
— Savvas Karmaniolas (@savvaskarma) March 5, 2023
Веднаш после несреќата беше уапсен шефот на железничката станица во Лариса, под сомнение дека е одговорен.
Во судирот меѓу патничкиот воз, кој превезуваше околу 350 патници, и товарниот вагон, во близина на градот Лариса, ноќта меѓу вторникот и средата, починаа 57 лица, од кои повеќето беа студенти.
Фото: Танјуг