Битолчанец кој живее во Австралија, откако го употребил своето право на глас во гласачките места во Мелбурн им се спротивстави на оние кои ги тормозат и малтретираат луѓето што гласаат. Според видеото објавено на фејсбук страната „предавници“, тој се враќа кај малтретирачите и им вели дека служел војска во Македонија.
-Да ви кажам нешто, јас сум најголем Македонец, работев за Македонија и служев војска, во прв единица. Заслужен човек сум разбра. Мене срц ме боли Битола, и стан и пари оставив во таа Македонија – рече тој.
Групата иселеници продолжува да го навредува битолчанецот, да упатува пцости кон неговата сопруга и да го прашува зошто гласал.
-За Грција гласаше и за Заев. Џабе беше војска. За кого се бореше, за Југославија? Да ти се посерам во парите комунисто! – извикуваат од групата.