Велигденско сечење на дрвјата во Скопје

И денеска продолжува сечата на дрвја во центарот на Скопје. Екипи на „Паркови и зеленило“ ги исекоа сите дрвја на улицата „11 октомври“ во строгиот центар на градот, наспроти некогашен ЗОИЛ, пренесува Радио МОФ.

И претходниве денови се сечеа дрвја низ Скопје, а образложението од Град Скопје беше дека се сечат стари и заболени дрвја. Прво беа исечени боровите пред Владата, а потоа и двата диви костени на плоштад „Македонија“. Нешто порано беше исечен и целиот дрворед кај МЕПСО.

Фото: Фејсбук