Утре средба Ковачевски – Мицкоски

Премиерот и лидер на СДСМ, Димитар Ковачевски утре во 15 часот во Клубот на пратениците ќе се сретне со лидерот на ВМРО-ДПМНЕ, Христијан Мицкоски.

-Во рамки на широката консултација која започна да се реализира веднаш по добивањето на европскиот предлог, претседателот на Владата на Република Северна Македонија, Димитар Ковачевски, во текот на утрешниот ден ќе ја одржи средба со лидерот на ВМРО-ДПМНЕ, Христијан Мицкоски. Оваа средба е дел од низата планирани консултативни средби со лидерите на опозицијата, како дел од широката консултација за предлогот на француското претседателство, соопштија од Владата.

Средбата ќе се одржи по големиот протест пред владата против францускиот предлог.