385
Во Кабинетот на претседателот Стево Пендаровски утре ќе биде одржана 18-та седница на Советот за безбедност на Република Северна Македонија.
На дневен ред на седницата на Советот за безбедност, како што соопшти Кабинетот на шефот на државата, ќе биде безбедносната состојба во Република Северна Македонија и евро-атлантскиот регион.
На седницата, покрај членовите на Советот за безбедност, ќе присуствуваат и директорот на Агенцијата за разузнавање Еролд Муслиу, директорот на Агенцијата за национална безбедност Зарко Милошевски и началникот на Генералштабот на Армијата генерал-потполковник Васко Ѓурчиновски.