Урко не се појави на денешното рочиште во предметот Тенк, адвокатите на Груевски не можеа да го добијат на телефон

Адвокатите на Никола Груевски не успеаа да го пронајдат Дејан Митревски – Урко, кој денеска требаше да сведочи во рамки на случајот Тенк за набавката на мерцедесот.

Митровски не се појави во судница, па судијката Добрила Кацарска и наложи на одбраната да го побара телефонски.

Но, како што рекоа тие, до крајот на рочиштето не успеале да го добијат на телефон.

Доколку тој не се појави и на наредното рочиште, Кацарска најави дека ќе го избрише од листата на сведоци.

Инаку, на наредното рочиште ќе се презентира изготвеното вештачење, а одбраната ке презентира писмени докази.

В.В.