Унгарија: Невладините финансирани од Сорос немаат причина за страв

Откако функционери на владејачката партија во Унгарија се заканија со затворање на невладините организации кои се финансирани од Џорџ Сорос, сега ги омекнуваат ставовите.

-Фондациите кои ги поддржува американскиот милијардер и инвеститор Џорџ Сорос немаат причина за страв и од нив се очекува само да ги следат правилата на транспарентност, изјави заменикот претседател на владејачката партија во Унгарија, Фидес Гергељ Гуљаш.

Ова е одговор на Гуљаш на изјавата на Сорос на Светскиот економски форум во Давос дека заканите на унгарската влада на невладините организации е во спротивност со обврските и вредностите на ЕУ и владеењето на правото.