Училиштата во Хонг Конг затворени до 16 март поради коронавирусот

Училиштата во Хонг Конг ќе бидат затворени до 16 март за да се спречи ширењето на коронавирусот во градот.

Градскиот секретар за образование Келвин Џеунг изјави дека учениците од основните и средните училишта нема да се вратат во училиштата од продолжениот распуст најрано до половината на март.

Одлуката ја донесе Советот за здравствени стручњаци.

Учебната година требаше да почне на 17 февруари, но распустот беше продолжен до 2 март.

Во Хонгконг едно лице почина како последина на коронавирусот.