Цивил до ДИК: Помогнете им да гласаат избирачите што ги нема на список

Повеќе од илјада гласачи досега не успеале да гласаат затоа што ги нема во избирачкиот список, забележале набљудувачите на граѓанската организација „Цивил“. Ова, според нив, е и најголемиот проблем од утрово, иако се забележани и многу други нерегуларности, јави Телма.

Нивните набљудувачи забележале и дека, гласачите кои не се најдени во избирачкиот список, не знаат што да прават понатаму. Членовите на Избирачките одбори не знаат каде да ги упатат или, пак, ги упатуваат во Општинските изборни комисии, кои, пак, им велат дека не можат да сторат ништо за нив. Апелираат до Државната изборна комисија, да се обидат да им помогнат на овие гласачи, да го остварат своето гласачко право.