Трудо ги поддржа мирните протести против расизмот во Канада

Канадскиот премиер Џастин Трудо денеска ги поддржа мировните демонстрации против расизмот и дискриминацијата и ги осуди оние што ги создадоа проблемите.

– Расизам против Афроамериканците, системска дискриминација, неправда – постои и тука, рече Трудо на почетокот на денешниот брифинг со новинари, по повод неколкудневните протести низ САД и Канада против убиството на Афроамериканецот кој беше убиен од белец полицаец во Минеаполис.

– Со собирањата, Канаѓаните испраќаат порака дека нема да толерираат неправда, додаде канадскиот премиер, ветувајќи дека неговата Влада ќе ја продолжи борбата против расизмот.