Три деца и жена повредени во сообраќајката утрово кај Гостивар

Три деца и една жена се повредени во сообраќајната несреќа што утрово се случи на патниот правец Гостивар – Стража.

– Денеска (10.08.2026) во 07:40 часот во ОВР Гостивар е пријавено дека се случила сообраќајна незгода на магистрален пат во близина на каменолом во Гостивар, помеѓу товарно возило и четири патнички моторни возила.

Во незгодата со телесни повреди се здобиле три малолетни деца и едно женско лице кои биле во едно од возилата, констатирани во Медицински центар во Гостивар, информираа од МВР.