Поранешниот американски претседател Доналд Трамп ја нападна Фокс њуз, обвинувајќи ја дека соработува со други републикански кандидати за да најде кандидат кој може да го победи на прелиминарните избори. Трамп на социјалната мрежа Truth Social рече дека „Фокс њуз“ прави се што може, исто како и во 2016 година, за да открие кој на големото, но недоволно моќно републиканско поле може да го победи омилениот претседател“.
„Тие ги користат само најнегативните анкети, што за мене е сепак одлично, и прават се за да покажат дека се уште имаат шанса. Тие дури и го извлекоа финото момче Марк Тисен за да извртува бројки кои едноставно не постојат. Јас сум единствениот во многу начини, кој го победува Џо Бајден, најлошиот претседател досега“, рече Трамп, а пренесе „Индипендент“.
Тисен, колумнист на Вашингтон пост и коментатор на „Фокс њуз“, претходно напиша дека „64 отсто од Американците велат дека дефинитивно или веројатно нема да гласаат за Трамп“ на изборите следната година.
Тој всушност мислеше на анкетата на Асошиетед прес, која покажуваше зголемена поддршка за Трамп во Републиканската партија, но опаѓање на рејтингот на одобрување кај општиот електорат.
„Зошто Фокс и пријателите не ги покажуваат сите анкети каде што сум многу подобар од Бајден. Тие едноставно нема да го направат тоа! Исто така, намерно ги прикажуваат апсолутно најлошите слики од мене, особено големата „портокалова“ со брадата фрлена наназад. Исто како 2016 година, одново. И потоа сакаат да се објаснувам“, се пожали Трамп.