Трајко ги повика СДСМ, тие ќе тужат

by Фокус 18:48
18:48

Претседателот на Собранието Трајко Велјаноски денеска, на средбата со новинарите, посака опозицијата да се врати и како што вети ќе направел сѐ што е во негова моќа  тоа да се случи.

Според него Собранието со двотретинско мнозинство може да им го одземе мандатот на опозициските пратеници доколку во наредните шест месеци не доаѓаат на работа и не поднесат оставки. Во случај да поднесат оставки, тој има должност само да ја извести ДИК.

- Advertising -

СДСМ пак најави тужба пред Управниот суд поради за, според нив, нелегалната верификација на мандатите.

Партијата реагираше за случајот со Софија Куновска која беше на листата на кандидати во СДСМ, а е и советник во Градот Скопје.  Куновска не го прифати мандатот, но сепак ѝ беше верификуван и  на следната седница на Советот на Град Скопје ќе се бара одземање на советничкиот мандат поради неспоивост со функцијата пратеник.

Поврзани новости