Коалицијата за промени и правда вечерва во општина Карпош, на последниот митинг пред крајот на кампањата, ги повика граѓаните масовно да излезат на гласање и да одберат нов почеток.
-На 11 декември носите клучна одлука, тоа е одлука “да се биде или не”. Загрозена е иднината на Македонија. Соочени сме со сериозни предизвици. Oд сите нас се очекува да преземеме дел од одговорноста. – порача претседателот на Демократскиот сојуз, Павле Трајанов кој е носител на кандидатската листа за пратеници во првата изборна единица.
Тој рече дека дојде време за отчетност и одговорност и дека изорите ќе донесат промени во власта.
– Најавуваме еднакви бизнис-услови, поголема минимална плата, проекти за младите, реформи во судскиот систем, влез во НАТО и ЕУ, реформи во образованието и укинување на екстерното тестирање, конфискација на криминално стекнатиот имот и одговорност, рече Трајанов.