Тортевски: Ако не го додели мандатот на СДСМ, Иванов може кривично да одговара

by fokus 19:58
19:58

Адвокатот Александар Тортевски, коментирајќи ги случувањата на политичката сцена, во изјава за „Фокус” вели дека сега, откако Никола Груевски не успеа да формира влада, претседателот Ѓорге Иванов, според Уставот, е должен мандатот да му го додели на СДСМ. Во спротивно, Тортевски вели дека претседателот кривично ќе треба да одговара за злоупотреба на службената положба.

-Од синоќа на полноќ, практично мандатот му е вратен на Ѓорге Иванов. Така што, тој треба сега да ѝ го довери на следната партија според бројот на освоените пратенички мандати. Иванов требаше да прави консултации во првите десет дена, кога мандатот беше кај него. Тоа е време за консултации. Сега веќе мора да оди по редослед. Ако не постапи така, тогаш прави кривично дело- злоупотреба на службена положба – вели Тортевски.

- Advertisements -

Голем дел од експертската јавност е со ист став со Тортевски и го повикува претседателот итно да назначи нов мандатар. Во провладините медиуми пак, експертите блиски до власта сугерираат Иванов да не го дава мандатот на СДСМ и да има нови избори.

Поврзани новости