877
Вчера утрото три лица биле повредени при сообраќајна несреќа кај тетовското село Непроштено, при што веднаш биле хоспитализирани.
„На 26.12.2021 во 09.50 часот во СВР Тетово било пријавено дека на регионалниот пат Тетово – с.Јажинце, кај с.Непроштено, се случила сообраќајна несреќа помеѓу патничко возило „фолксваген голф“, со тетовски регистарски ознаки, управувано од Ш.С.(43) од с.Нераште и патничко возило „бмв“, со тетовски регистарски ознаки, управувано од Б.Н.(40) од с.Доброште. Во несреќата со тешки телесни повреди се здобил Б.Н., а со телесни повреди се здобиле Ш.С. и сопатникот од истото возило, Ј.М.(43) од с.Нераште, констатирани во Клиничката болница во Тетово. Извршен бил увид од увидна екипа од СВР Тетово“, велат од МВР.