Тешка несреќа во Авганистан: Се судрија мотоцикл, цистерна и автобус, загинаа 21 лице

Најмалку 21 лице загина, а десетици се повредени во сообраќајна несреќа на југот на Авганистан, соопшти Владата на провинцијата Хелманд.

Во судирот на автопатот Кандахар-Херат учествувале мотоцикл, цистерна со гориво и автобус, изјави Шер Мохамад Вахдат, претставник на владата за медиуми во Хелманд.

Локалните медиуми објавија фотографии на кои се гледа запалена цистерна на правлив пат и остатоци од возило. Несреќата се случила во областа Герешк во Хелманд.

Сообраќајните несреќи се вообичаени во Авганистан, а лошата инфраструктура е влошена со повеќедецениската војна која заврши кога странските трупи заминаа во 2021 година и талибанците го презедоа. Јужниот дел на провинцијата Хелманд беше упориште на талибанците за време на војната.