390
Собраниската Комисија за избори и именувања денеска за претседател на Комисијата за мандатно-имунитетни прашања го предложи Павле Богоевски, а двајца од членовите се и Крсто Муковски и неговиот колега пратеник од ВМРО-ДПМНЕ Јохан Тарчуловски.
Муковски и Тарчуловски се дел од пратениците кои на 27 април им ги отворија вратите од Собранието на насилнците кои потоа внатре го тепаа Павле Богоевски и другите пратеници од мнозинството.
Ако има предлог од обвинител за одредување мерка притвор за пратеник, тогаш за тој предлог одлучува најпрвин Комисијата за мандатно-имунитетни прашања. Ако се изгласа таму предлогот, тогаш тој оди на гласање пред Собранието.