Тепачка пред судот во Охрид, приведени се три лица

Денеска во 13.45 часот, во СВР Охрид приведени се три лица од струшкото село Велешта, информираат од СВР Охрид.

„Тие претходно пред Основниот суд во Охрид, го нарушиле јавниот ред и мир со меѓусебна физичка пресметка. По целосно расветлување на настанот, против нив ќе биде поднесена соодветна пријава“ – изјави попладнево портпаролот на СВР Охрид, Стефан Димоски.