Талат Џафери: Не паднав од Марс, и претходно бев министер

Пратеникот од ДУИ, Талат Џафери денеска на пратениците од ВМРО-ДПМНЕ им нагласи дека тој  не паднал од Марс, туку дека бил министер за одбрана претходно, а за тоа како работел како министер ги упати да ги прашаат другите министри.

-Јас не сум оптеретен како вие што сте оптеретени. Мислите убаво што и како зборувате. Сите навреди што ги слушаме 60 дена, само ние можеме да ги трпиме, зашто веруваме во соживот. Смирете се, Собранието нема да го носам ни во Тирана, ни во Приштина, ни во Тунгузија. И ние сме избрани од народот, за тоа имаме мандат, рече Џафери.

Тој порача дека граѓаните Македонци не мислат како што мислат пратениците од ВМРО-ДПМНЕ.