Барањето на Специјалното јавно обвинителство за изземање на судијката Александра Поп-Стефатија од случајот „Тврдина”, Апелацијата го одби како неосновано.
СЈО побара изземање на судијката Поп-Стефанија, додека траеше сослушувањето на ексминистерка за внатрешни работи, Гордана Јанкулоска, која е една од главните осомничени за нелегалното уништување на опремата за прислушување.
Специјалното обвинителство бараше изземање на судијката токму во случајот со Јанкулоска, бидејќи поранешната министерка се води како вработена во владејачката партија ВМРО-ДПМНЕ, а вработен во разгранокот на владејачката партија во Неготино е и сопругот на Поп-Стефанија.
Освен тоа, барањето следуваше откако судијката ги отфрли барањата на СЈО за притвор и за мерки на претпазливост за Горан Грујовски, Гордана Јанкулоска и за другите тројца осомничени и ја оспори надлежноста на Специјалното обвинителство за случајот „Тврдина“.