Струмичанка загина во сообраќајка во САД, нејзините три деца и сопругот се повредени

Четириесет и едногодишна струмичанка загина во сообраќајна несреќа што се случила во САД, а нејзиниот сопруг и три деца се повредени. Од засега непознати причини автомобилот со кој се превезувало семејството Доневи излетал од патот во близина на Нешвил, во aмериканската држава Тенеси.

Во несреќата загинала Виолета, а нејзиниот сопругот е потешко повреден. Трите нивни деца, едно машко и две женски близначки, поминале со полесни повреди.

Семејството Доневи, кое над десетина години живееле во Чикаго, кобниот ден се враќало од Флорида.

Македонците кои живеат во САД покренаа иницијатива за собирање финансиска помош за настраданото семејство.