Столтенберг: Приклучување на Украина во НАТО среде војна „не е на дневен ред“

Украина нема да може да влезе во НАТО се додека во таа земја има војна, изјави денеска генералниот секретар на Алијансата, Јенс Столтенберг.

– Мислам дека сите сфатија дека да се стане членка среде војна не е на дневен ред – рече Столтенберг, пренесе Ројтерс.

Како што рече, „прашањето е што ќе се случи кога ќе заврши војната“.

Генералниот секретар на НАТО е во посета на Брисел, каде што присуствува на настан организиран од Германскиот Маршалов фонд на САД.