Гинекологот Марјан Стојовски доби отказно решение на скопската Клиника за гинекологија потпишано од директорката Марија Хаџи-Лега. Решението за престанок на работниот однос, кое според документот му престанува на 4 октомври, 2016 година ги изненадило дел од вработените на клиниката, откако во понеделникот осамнало на огласната табла во болницата.
Во отказното решение се наведува дека именуваниот Стојовски со пресуда од скопскиот Апелационен суд му е изречена пресуда дека е виновен за кривично дело „примање поткуп“.
– Соогласно член 357 од Кривичниот законик со изречена казна затвор од две години, во која му е засметано и времето поминато во притвор. Исто така, изречена му е и казна – забрана за вршење на дејност во трење од една година сметано од денот на правосилноста на одлуката, со тоа што времето поминато во притвор не се засметува во времето на нејзиното траење – се наведува во отказното решение.
Тој се сметаше за еден од најдобрите гинеколози во клиниката. „Фокус“ го контактираше Стојовски, но тој не сакаше да даде изјава на темата.
И.М.