Ставрески за директорите од ВМРО-ДПМНЕ: Да не е Миле да ги камшикува, нема да мрднат со прст!

Екс министерот Зоран Ставрески воопшто не бил задоволен од ангажираноста на директорите за време на кампањата за изборите во 2011 година. Во телефонски разговор и се жали на колешката Гордана Јанкулоска дека да не бил Миле Јанакиески, кој тогаш беше шеф на изборната кампања, немало да мрднат со прст.

-Да не е Миле да ги камшикува, не би мрднале со прст. Седат во канцеларија и пијат кафе. Во четири години, 20 дена имаат нешто да сработат, и за ништо не ги бива, и вели нервозно Ставрески на Јанкулоска.

Во Кривичниот суд во моментот се објавуваат бомби за случајот Титаник, односно за изборните измами за изборите во 2011 и 2013 година.