Ставрески: Од понеделник почнува отписот на долговите

Министерот за финансии Зоран Ставрески соопшти дека од понеделник граѓаните ќе можат да поднесуваат барања за отпис на долговите.

Министерството за финансии денеска го објави јавниот повик до граѓаните за доставување на барања за отпис на долговите.

Корисниците на социјална и постојана парична помош, невработени лица подолго од 12 месеци и лицата кои се изложени на социјален ризик поради смрт на брачен другар или инвалидност или потешка болест настанати во последните пет години, од понеделник ќе треба да го достават барањето до најблискиот Центар за социјални работи.