Александар Станков, директор на Институтот за судска медицина, во интервју за најновиот број на неделникот Фокус говори за трагичната несреќа во Бугарија, за искуствата со слични несреќи, но и за проблемите со вештачењата и на други теми.
–Дефинитивно има и вештаци што ја злоупотребуваат својата положба и пишуваат невистини, нелогични работи, па дури и глупости, само да бидат спротивни на основното вештачење на обвинителот. И тие треба да бидат казнети. За жал, кај нас веќе неколку години не функционира Комората на вештаци и не може да се избере ново раководство, бидејќи мандатот на членовите на Управниот одбор и на другите тела им е одамна изминат – вели Станков во интервјуто.
ФОКУС: Имало ли вештачења од кои сте се срамеле?
СТАНКОВ: Во мојата 23-годишна пракса, имам видено секакви глупости. Постои вештак кој се појавува во многу предмети, а во едно од вештачењето, дури и самиот има напишано „ме натераа да напишам тешка телесна повреда“. Вештак, кој трипати го менува мислењето и никому ништо. Тоа не само што е срамота, туку фрустрира. Тие луѓе и понатаму вештачат и решаваат туѓи судбини, а не им фали ниту влакно од главата.
Целото интервју прочитајте го во новиот број на неделникот кој можете да го купите и во електронска форма на овој линк.
Гордана Дувњак