ССМ за нападнатата полицајка: Мора да се расчисти, за да се зачува достоинството и на професијата и на жената која си ја вршела работата

Секцијата на жени при Сојузот на синдикати на Македонија очекува да се расчисти случајот со полицајката која беше нападната од висок функционер на ДУИ.

Претседателката Елизабета Гелевска рече дека ова треба да се направи за да се зачува достоинството и на професијата и на жената.

– Впрочем и Полицискиот синдикат кој  е членка во ССМ издаде своја наредба да се испита случајот со цел да се зачува достоинството и на професијата и на жената која на работното место си ја вршела својата работа – изјави Гелевска пред почетокот на Конференцијата за поддршка на кампањата  „Спречување на насилство врз жените и мажите во светот на трудот.