Средношколците продолжуваат со бојкотот на наставата, фрчат закани и притисоци од сите страни

Средношколците од неколку скопски гимназии и повеќе средни училишта низ земјава го продолжуваат бојкотот на наставата, поради како што велат, лошите реформи во образованието.

За денеска охридските средношколци најавија и протестен марш во центарот на градот, а битолските средношколци ќе одржат пленум на кој ќе дискутираат дали да се приклучат кон бојкотот.

Средношколците се жалат дека се изложени на силни притисоци и закани од директорите и од дел од професорите, а притисоци како што велат, се вршеле и врз нивните родители. Тие ги поддржуваат своите деца, но и тие се пожалија на притисоци.

– Беа одржани родителски средби во некои гимназии. Родителите, со огромно мнозинство застанаа зад учениците. Им се врши притисок и на наставниците и на децата. Според Законот, глоба за родителот е предвидена за недоаѓање на настава повеќе од 24 дена. Родителите одбиваат нивните деца да бидат третирани како криминалци и притоа да ,,оправдуваат“ часови со лажна медицинска белешка или изјава. Децата се на училиште, а не надвор од него. Оттука, училиштето е толку нивно , колку и на директорите и на просветните инспектори. Се врши притисок врз класните раководители да запишуваат цели класови со неоправдани изостаноци. Според таа логика, само за 4 дена бојкот, цели училиште ќе бидат ,,исклучени“ – се наведува во информацијата што вчера беше испратена до редакцијата на „Фокус“.

Средношколците, по примерот на студентите, аулата на гимназиите ги претворија во автономни зони, каде се одржува алтернатива настава, се слуша музика…