Спасовски: По престојот на Инфективна, од понеделник сум дома во Куманово

Министерот за внатрешни работи демантира дека бил хоспитализиран во приватна клиника. Тој информира дека по престојот во Инфективната клиника во Скопје од понеделникот е во својот дом во Куманово.

„Значи, ова е уште една лажна вест. Бескрајно сум им благодарен на нашите здравствени работници кои ми помогнаа мене, а им помагаат и на илјадници други наши сограѓани за да се справиме со коронавирусот. Тие се нашите херои и навистина е несфатливо како некој во вакво време се обидува да ги девалвира. Ви благодарам и на сите вас кои постојано ми пишувате и ми изразувате поддршка. Заеднички ќе се справиме со коронавирусот, а јас наскоро ќе им се вратам на своите работни обврски“, напиша Спасовски на фејсбук.