Спасовски до Ромите: Да се обединиме против оние кои играат мајтап со ромскиот јазик

Оливер Спасовски од вечерашната трибина на СДСМ од Шуто Оризари им порача на Ромите заедно да се обединат против оние кои си играат мајтап со ромскиот јазик и оние кои „тегнеа за уши“.

-Режимот на ВМРО-ДПМНЕ не е решение затоа што мисли само на себе, крадат, рушат се закануваат за државна помош, плати, пензии, граѓаните ги оставија во руини и во кал, додека тие крадеа за своите џебови и за нивната бела палата. Ве повикувам вас Ромите во целата држава да се обедините против оние кои играат мајтап со ромскиот јазик, ‘тегнеа за уши, планираа ‘пиштење – вриштење’, ‘семејства во ендек’. Пред четири години во време на режимот на ВМРО-ДПМНЕ, граѓаните не смееја ни да зборуваат, денес е слобода. ВМРО-ДПМНЕ е опасност, рече Спасовски.