363
Советот на јавни обвинители на Република Македонија на денешната седница треба да расправа за оставката на досегашниот претседател, Петар Аневски, кој во вторникот ја поднесе поради лични и семејни причини.
– Членовите на Советот ќе одлучуваат по мојата оставка в четврток. Дали ќе ја прифатат или не, тоа е нивна одлука. Без разлика на оставката, и понатаму останувам на функцијата член на Советот на јавни обвинители бидејќи сум избран од ОЈО Битола и ќе продолжам со таа функција од 1 септември ако биде прифатена мојата оставка. Мојата функција изминува во 2020 година и имам уште три години да ја вршам функцијата член на Советот на јавни обвинители – изјави Аневски пред два дена.