Советникот за национална безбедност на претседателот на Македонија, Синиша Алексоски во изјави за МИА истакна дека не е овластено лице кое дава одобрение за престој во Собранието ниту во друг орган на државната управа. Неговата изјава е по тврдењето на српскиот разузнавач Горан Живаљевиќ кој го посочи Алексоски како лице кое му дало одбрение да биде во македонскиот Парламент за време на насилствата на 27 април годинава.
-Сметам дека тоа го направил за преку мене да обезбеди алиби и да го оправда неговото неовластеното и непрофесионално однесување, спротивно на законите во Република Македонија – тврди Алексоски.
Тој посочува и дека не ја знае причината за неговиот престој во Собранието.
-Не разговаравме со Живаљевиќ таа вечер. Како што претходно посочив, тој ми упати текстуална порака, пропратена со фотографија, дека бил во собраниската сала, на што му возвратив: „што правиш таму?“. За пораките, се разбира, веднаш известив и поднесов извештаи согласно безбедносните протокли – вели Алексовски.