Состанок на Ердоган и Путин на 4 септември во Сочи

Претседателите на Русија и Турција, Владимир Путин и Реџеп Таип Ердоган ќе се сретнат на 4 септември во Сочи, соопшти портпаролот на Кремљ, Дмитриј Песков.

Кремљ потоа објави дека двајцата лидери ќе разговараат за развојот на заемно корисна билатерална соработка и актуелните меѓународни прашања, објави Спутник.

Министрите за надворешни работи на Русија и Турција Сергеј Лавров и Хакан Фидан вчера во Москва разговараа за агендата на идната средба меѓу двајцата претседатели.

Според Лавров, меѓу Русија и Турција има значаен дијалог и за билатералните и за регионалните и меѓународните агенди.

Претходната средба меѓу Путин и Ердоган исто така беше одржана во Сочи на 5 август минатата година.