Времето денеска ќе биде сончево и многу топло со мала до умерена локална облачност. Ќе дува умерен, a на места повремено засилен ветер од северен и североисточен правец, информираат од Управата за хидрометеоролошки работи (УХМР).
Во попладневните часови, во северните делови од земјата, претежно во планинските подрачја, ќе има услови за изолирана појава на краткотраен дожд и грмежи.
Температурата наутро ќе биде од 11 до 21 степен, а попладне од 29 до 39 степени Целзиусови.
УВ-индексот ќе биде 8.
И во Скопје времето денеска ќе биде сончево и многу топло со мала до умерена облачност. Ќе дува умерен до засилен ветер од северен правец.
Температурата ќе биде од 20 степени наутро, и до 37 степени попладне.
Сончево и многу топло ќе биде времето и во текот на утрешниот ден.
Според информациите од УХМР ќе има мала до умерена локална облачност, а ќе дува слаб до умерен ветер од северен правец.