Собраниската седница прекината пред да дојдат на ред одлуките за вонредната состојба

by Фокус

Денешната седница на чиј дневен ред беа петте одлуки за прогласување вонредна состојба поради пандемијата беше прекината по усвојувањето на две одлуки за формирање и изменување на состав на собраниски работни тела.

По усвојувањето на дневниот ред, пратениците ги усвоија предлог-одлуката за изменување на одлуката за избор на претседатели, заменици на претседателите, членови и нивни заменици на Комисиите на Собранието, како и предлог-одлуката за основање делегации, пратенички групи, и други облици на остварување меѓународна соработка.

Веднаш потоа, Џафери ја прекина седница и рече дека пратениците доолнително ќе бидат информирани за продолжението.

Инаку, тој попладне најави одржување седница за избор на потпретседатели на Собранието.

Во меѓувреме, спикерот ќе одржи и состанок на координаторите на пратеничките групи и претседателите на собраниските комисии.

Поврзани новости