Со засилено полициско обезбедување Мијалков од затвор донесен во судот

Под силно полициско обезбедување, екс директорот на УБК Сашо Мијалков утринава беше спроведен од затворот “Скопје” до Кривичниот суд.

По девет дена притвор, Мијалко ја напушти ќелијата и е донесен во судница, каде му се суди за случајот “Трезор”.

Тој со затворското комбе беше внесен во гаражата на судот, кој беше опколен со специјалци. Во судот пристигнаа и шестмината телохранители на Мијалков.

Тие со адвокатите и новинарите влегоа во судница.

Во моментот во судница се изведуваат материјални докази поднесени од СЈО. Во овој случај покрај Мијалков обвинети се и Тони Јакимовски, Горан Грујевски и Небојша Стојковиќ, на кои им се суди за набавка на електро-комуникациска опрема за потребата на УБК.