Вечерва во Спортскиот центар Јане Сандански се одржува концертот на популарната српска пејачка Милица Павловиќ (33), а пред неколку часа во Скопје пристигнаа автобуси од повеќе градови во земјава, кои вршат организиран превоз на публиката.
Павловиќ е доста популарна кај младите генерации, па поради големиот интерес за нејзиниот концерт, повеќе туристички агенции од внатрешноста се одлучиле да организираат превоз до Скопје, а и назад, по завршувањето на настанот.
-Огромен интерес има за Милица, во публиката се претежно млади луѓе, па затоа овој начин, со организирани автобуси да се дојде во Скопје, и потоа младината безбедно да се врати дома, се покажа како одлично решение. Пристигнавме во 18 часот, а по завршувањето на концертот автобусите се враќаат назад во своите градови, за ,,Фокус” велат превозници од туристичка агенција од внатрешноста.
Инаку, Павловиќ дојде во Скопје пред еден ден, а со неа пристигна и тим од околу 120 лица. Помеѓу нив има музичари, танчери, фризер, шминкер, кореограф, режисер, уметнички директор…
Концертот во Скопје е дел од нејзината турнеја ,,Лав”, и беше најавено дека ќе трае три часа.
Вики Клинчарова