Сложно со 100 гласа „за“ изгласани членовите на ДИК

Без дискусија и пријавени за збор Собранието попладнево го изгласа новиот состав на Државната изборна комисија.

100 пратеници гласаа „за“, а немаше „против“ и „воздржани“. По предлог на опозициската ВМРО-ДПМНЕ, за претседател на ДИК беше избран Оливер Дерковски.

Овој состав на ДИК ќе има мандат од шест месеци, односно само да го организира референдумот за Договорот со Грција, а потоа Државната изборна комисија ќе биде професионализирана.